၁။ အထွေထွေ သဘောတူညီချက်

Connection Learning Hub မှ ဖွင့်လှစ်သည့် သင်တန်းများ၊ အစီအစဉ်များ၊ workshop များ၊ consultation များ သို့မဟုတ် လှုပ်ရှားမှုများတွင် စာရင်းပေးသွင်းခြင်းအားဖြင့် သင်တန်းသားသည် ဤစည်းကမ်းချက်များနှင့် သတ်မှတ်ချက်များကို ဖတ်ရှုနားလည်ပြီး သဘောတူကြောင်း အတည်ပြုပါသည်။။

၂။ စာရင်းပေးသွင်းခြင်းနှင့် အတည်ပြုခြင်း

• သတ်မှတ်ထားသော သင်တန်းကြေး ပေးချေပြီးမှသာ စာရင်းပေးသွင်းမှု အတည်ပြုမည် ဖြစ်ပါသည်။
• သင်တန်းသားသည် စာရင်းပေးသွင်းရာတွင် မှန်ကန်ပြီး ပြည့်စုံသော အချက်အလက်များ ပေးရန် တာဝန်ရှိပါသည်။
• Connection Learning Hub သည် လိုအပ်ပါက စာရင်းပေးသွင်းမှုကို လက်ခံခြင်း၊ ရွှေ့ဆိုင်းခြင်း သို့မဟုတ် ပယ်ဖျက်ခြင်း ပြုလုပ်နိုင်ပါသည်။

၃။ သင်တန်းကြေးပေးချေမှုနှင့် ငွေပြန်အမ်းမူဝါဒ

အပြည့်ပေးချေမှု

• အခြားသတ်မှတ်ချက်မရှိပါက သင်တန်းကြေးအပြည့်ကို သင်တန်းစမည့်အချိန် (သို့မဟုတ်) သင်တန်းအပ်သည့်အချိန်တွင် ပေးချေရပါမည်။
• သင်တန်းကို ၁ ကြိမ် သို့မဟုတ် ၂ ကြိမ်သာတက်ရောက်ပြီး နုတ်ထွက်ပါက သင်တန်းကြေး၏ ၅၀% (Refund 50%) ကို တောင်းဆိုနိုင်ပါသည်။
• ၃ ကြိမ်နှင့်အထက် တက်ရောက်ပြီးပါက မည်သည့်အကြောင်းကြောင့်မဆို ပြန်အမ်းမည်မဟုတ်ပါ။

အရစ်ကျချေမှု

• အချို့သော သင်တန်းများတွင်သာ အရစ်ကျ ပေးချေမှုဖြင့် ပေးချေခွင့်ပြုပါသည်။
• သတ်မှတ်ထားသော အချိန်ဇယားအတိုင်း ပေးချေရပါမည်။
• အရစ်ကျပေးချေထားသော ငွေများကို မည်သည့်အခြေအနေတွင်မဆို ပြန်အမ်းမည် မဟုတ်ပါ။

၄။ တက်ရောက်မှုနှင့် အချိန်မှန်မှု

• သင်တန်းသားများသည် အတန်းများကို အချိန်မီနှင့် ပုံမှန်စဉ်ဆက်မပြတ်တက်ရောက်ရန် လိုအပ် ပါသည်။ (အကြံပြုပါသည်။)
• သင်တန်းမှ ရွှေ့ဆိုင်း (ဖျက်သိမ်း) သောအတန်းချိန်မဟုတ်ပါက အစားထိုးပြန်လည်သင်ကြားခြင်း (သို့မဟုတ်) ငွေပြန်အမ်းခြင်း မရှိပါ။

၅။ သင်တန်းအတွင်း အပြုအမူနှင့် လေးစားမှု

• သင်တန်းသားများသည် ဆရာ/ဆရာမများ၊ ဝန်ထမ်းများနှင့် အခြားသင်တန်းသားများအား လေးစားမှုရှိစွာ ဆက်ဆံရပါမည်။
• မသင့်လျော်သော အပြုအမူ၊ ဆဲဆိုမှု၊ နှောင့်ယှက်မှု သို့မဟုတ် စည်းကမ်းဖောက်ဖျက်မှုများရှိပါက သင်တန်းမှ လိုအပ်ပါက ထုတ်ပယ်ပိုင်ခွင့်ရှိပြီး သင်တန်းကြေးပြန်အမ်းမည် မဟုတ်ပါ။

၆။ လုံခြုံရေးနှင့် ကိုယ်ပိုင်တာဝန်ယူမှု

• သင်တန်းပြင်ပမှ ဖြစ်ပေါ်လာသော မတော်တဆအန္တရာယ်များ၊ ပဋိပက္ခများ ၊ အငြင်းပွါးမှူများ (သို့မဟုတ်) တခြားဖြစ်ရပ်များအပေါ် သင်တန်းအနေဖြင့် တာဝန်မယူပါ။
• သင်တန်းသားများသည် သင်တန်းပြင်ပချိန်တွင် သွားလာရာတွင် မိမိ၏ ကိုယ်ပိုင်လုံခြုံရေးကို မိမိကိုယ်ပိုင်တာ၀န်ယူရမည်။

၇။ ဥပဒေလိုက်နာမှု

• သင်တန်းသားများသည် မိမိတို့နေထိုင်ရာဒေသရှိ ဥပဒေများနှင့် စည်းမျဉ်းများကို လိုက်နာရန် တာဝန်ရှိပါသည်။
• အချို့သော လူကိုယ်တိုင်တက်ရောက်ရသော သင်တန်းများအတွက် အထောက်အထားစာရွက်စာတမ်းများ လိုအပ်ပါက Connection Learning Hub မှ တောင်းဆိုခွင့်ရှိပါသည်။
• မှားယွင်းသော သို့မဟုတ် လိမ်လည်သော အချက်အလက်များ ပေးပါက Connection Learning Hub မှ စာရင်းပယ်ဖျက်နိုင်ပြီး ငွေပြန်အမ်းမည် မဟုတ်ပါ။

၈။ သင်တန်းအချိန်ဇယားပြောင်းလဲခြင်းနှင့် ပယ်ဖျက်ခြင်း

• လိုအပ်ပါက Connection Learning Hub မှ သင်တန်းများကို ရွှေ့ဆိုင်းခြင်း၊ အချိန်ပြောင်းခြင်း၊ အတန်းပေါင်းစည်းခြင်း၊ နေရာပြောင်းခြင်း သို့မဟုတ် ပယ်ဖျက်ခြင်း ပြုလုပ်နိုင်ပါသည်။
• အရေးကြီးသော ပြောင်းလဲမှုများရှိပါက သင်တန်းသားများအား ကြိုတင်အသိပေးမည် ဖြစ်ပါသည်။
• သင်တန်းမစတင်မီ Connection Learning Hub မှ ပယ်ဖျက်ပါက သင့်လျော်သော အစားထိုးအစီအစဉ် သို့မဟုတ် သင်တန်းကြေးပြန်အမ်းမှုကို စဉ်းစားပေးမည်ဖြစ်ပါသည်။

၉။ ကိုယ်ရေးအချက်အလက်နှင့် မီဒီယာ အသုံးပြုမှု

• စာရင်းပေးသွင်းရာတွင် ကောက်ယူထားသော ကိုယ်ရေးအချက်အလက်များကို ပညာရေးနှင့် စီမံခန့်ခွဲရေးဆိုင်ရာ ရည်ရွယ်ချက်များအတွက်သာ အသုံးပြုမည် ဖြစ်ပါသည်။
• Connection Learning Hub မှ ဓာတ်ပုံများ၊ screenshot များ သို့မဟုတ် video recording များကို ပညာရေး သို့မဟုတ် ကြော်ငြာရည်ရွယ်ချက်ဖြင့် အသုံးပြုနိုင်ပါသည်။ မပါဝင်လိုသူများသည် ကြိုတင် အသိပေးရပါမည်။

၁၀။ စည်းကမ်းချက်များအား လက်ခံခြင်း

စာရင်းပေးသွင်းခြင်း၊ ငွေပေးချေခြင်း သို့မဟုတ် သင်တန်းတက်ရောက်ခြင်းအားဖြင့် သင်တန်းသားသည် ဤစည်းကမ်းချက်များနှင့် သတ်မှတ်ချက်များကို လက်ခံသဘောတူကြောင်း အတည်ပြုပါသည်။